Bato

Gikan sa Cotabato hangtod sa Bato, Carbon, ug sa tibuok nasod naghitak kaniadto ang bato. 

Hangtod sa miabot ang Presidente nga suko kaayo sa bato, gitahasan niya si General Bato nga gukuron tanan namaligyag bato.

Sa Tacloban, patay sa ambush si Atty Bato, ang abugado sa tigpayuhot didto ug bato.

Sa Senado, gi imbestigar ang nangamatay nga may labot sa bato. 

Ang testigo nga si Mato-bato miingon nga makaila siya sa tawong nakabato apan bisan gamayng bato nga ebidensiya, wala siyay napakita. 

Ang chairman nga si Leila de Lima karon giimbestigar usab sa kongreso  kay gi ingon nga siya ang protektor sa negosyo sa bato sulod sa Bilibid. 

Human gibato ug pagsaway, gihulipan na si Senador De Lima apan gahi pa sa bato iyang paglimod,  matod pa niya, bato ug kasing-kasing ang 16 ka mga senador nga nagpalagpot niya.

Nabato namo ug binasa? Mao kana ang sugilanon nga nagsugod sa bato, ug bato usab ang sangpotanan! 

#binugha

Advertisements

Dilemma ni De Lima

​Dili mo resign si Sen. Leila De Lima kay dili kuno siya guilty ug dili sab siya ‘weak’. 

    Uyab gani nimo mismo dili nimo angkonon, samot na tingali ug drugas!

    Gusto nimo wagtangon ang duda sa katawhan? Atubanga ang imbestigasyon sa Kongreso. 

    Maski kato na lng imo giingon nga..’may kaunting katotohanan dyan’ ..  sumpayi to. Kumpletoha ug asa ang tinuod. 

    Si Dayan, si Warren o silang duha?

    Naglibog gyud mi Madam De Lima. (Di na libog tinagalog ha)

    Mao nay dilemma!

    #binugha!

    Pari ug Human Rights 

    Uyon ko sa sugyot nga pakuyogan ug Pari ug taga Commission on Human Rights (CHR) ang mga operasyon sa kapulisan batok sa mga nalambigit sa drugas.

    Sila dapat ang mag-una. Sila dapat ipaon, aron dunay saksi kung mag hinanggaw ang mga pulis.

    Kung mosukol ang kriminal, sila usab ang buhing saksi sa panghitabo. Kana ug sila mabuhi.

    Kay sa gubat sa drugas, dili ang krus bitbit sa Pari ang gikalisangan kundi ang….

    .. dakong krus sa sam-ang!

    #binugha !

    President  vs. Chief Justice


    ​Tanan nasayod nganong gihingusgan ni P-Du30 kining kampanya batok druga. Gugma sa nasod!  Walay laing motibo ang atong Presidente.

    Ako mohagit dili lang sa Chief Justice apan natong tanan Pilipino, unsa bay atong natampo niining  gubat nga atong giatubang karon?

    Asa kutob atong pagmahal sa atong nasod? Andam ba tang ibaylo atong kinabuhi alang niini?

              Ang Pagkuyanap sa Druga

    Mao na ni ang resulta sa pagbuta-bungol sa katawhan. Kutob ra sa pagtan-aw. Samotan pa paglubog  sa way pakabana ug taphaw nga’media’.

    Apan ang pait sa tanan, ang pagkutaw sa linugaw na nga sistema sa atong hustisya! 

    Madam Chief Justice, nganong nahimugso ang pamunoang Duterte?  

    TUNGOD SA PAGBUDHI NATO SA ATONG NASOD!

    #binugha

    Drama Rama

    Daw nagtan-aw ta ug drama rama sa hapon sa mga reaksyon nilang gipanghinganlan ni Presidente Duterte. 

    Ako nagtuo nga kulang pa to nga listahan apan paabot lng ta….

    Abangan ang susunod na drama ni rama, aw unsa ba!

    #binugha!

    Olympics

    Nganong idlas man kaayo nato ang bulawan nga medalya sa Olympics? 

    Kung lumba lng ug dagan, ngano dili man nato ipadala nang mga manglabnihay sa Colon, kalisod hiapsan ana nila, samot na ug ‘relay’.

    Sa langoy ug patidlom sa dagat pud, hain na ang mga Bajau? Himbisan man kaha na sila.

    Sa target shooting, ngano wala moapil si Dumpit ug mga DDS?

    Bitaw, kung naa lng untay Bowling,  di lang 10 ka gold nahatag ni Paeng Nepomuceno nato.

    Kung nalakip lng pud unta ang Billiard, laing 10 ka gold mahakot ni Efren Bata Reyes.
    Hasta sa Dragon Boat contest, sigurado unta ta nga maka gold, Sa Karate, Arnis, Chess, ug iapil pa ang Siatom ug piko. Syaro!

    Kitang Pilipino dili banga, lain lang atong mga duwa!

    Naa pay Tong-its, maski kinsa sa Andres Abellana mo champion ani.

    Busa, kanang idlas nga bulawan sa Olympics, dili angay gukoron!

    #binugha

    Batakang balaod

    Ang paghisgot kalabot sa batakang balaod, itugyan ngadto sa mga lantip nga abugado, sa mga eksperto. Sa maka-mao.

    Kay sa mga butang nga kulang ta sa kasayuran ug kahibalo, dili angayan magpa tuga-tuga.

    Sa nag-ingon nga 44% sa katawhan dili uyon nga kini usbon, naghalhal lang mo. 

    Kung 8 sa 10 ka Pilipino wa gani masayod sa bisan usa ka artikulo niini, asa gud tawn gikan na inyong numero.

    Ayaw unhi pag kondisyon ang huna-huna sa mga inosenteng lungsoranon!

    Inyong survey, usapa na! 

    #binugha

    30 ni Du30

    Sa 30 ka adlaw ni Du30, may nakab-ot ba? may nalampos ba? 

    Sayop nga pangutana.

    Ikaw, unsa may imong natampo, unsa may imong nahimo na para sa nasod?

    Kana maoy pangutana!

    #binugha